Fandom

Nunyepedia

Xixón

59pages on
this wiki
Add New Page
Talk0 Share
Xixón
Banderaxixón.png Escuduxixón.png
País Llegalmente España
Conceyu Llegalmente Conceyu de Xixón
Xentiliciu Culu Moyau, Xixonúo
Habitantes Feos
Densidá Pa Cimavilla...puff...
Superficie Herexe
Códigu Postal Nun esiste, prefieren les voces.
Alcalde Paz Fernández Felgueroso

Xixón (anque ellos prefieren Jijón pa timar a la xente colos turrones), ye una ciudá-braña asitiada na costa asturiana. La so población componse na so mayoría d'onisinos.

Hestoria Edit

L'aldea de Xixón apaeció como una almorrana na costa asturiana, concentrada na zona Cimavilla. Más sero l'almorrana medró dando orixe a una aldea ociosa perafayadiza pa los madrilanos y foriatos que se puen permitir el lluxu de pagase copes na zona de Formientu, frecuentada por Pihos, fashions y una nova triba dominante, nomada Cani. Na susodicha zona la ciudá remocicóse, sostituyendo los tradicionales chigres por barucos fashions qu'imiten a los yá millenarios El Culebar y El Burda', frecuentaos por Bisesuales.

Pwr otru llau l'aldea dispín de pubs de marcáu aire folk tradicional asturianu, a saber: cerveceríes alemañes, restoranes chinos, xaponeses, árabes, pizzeríes y un llargu etcétera.

Símbolos Edit

El llogotipu cimeru de l'aldea ye una obra del escultor vascu Eduardo Chillida, monumentu asemeyáu a los "cubos de la memoria", horterada neofriki que consta de cubos de formigón pintaos en plan cutrelux y asitiada nel puertu del conceyu de LLanes. La nomada obra xixonesa se conoz popularmente como "el vater de King Kong" y el so braeru nome ye l'Euloxu del horizonte. Se pue acolumbrar pol 50% d'asturianos n'Agostu nel día de Begoña, que s'aconceyen pa petar la playa y güeyar el castiellu de fueos artificiales que se fae na redolada, carauterizáu porque tarda un güevu n'entamar y en finar, yá que davezu ambúrase o falla daqué. Depués los asturianos empobínense a los chigres o a los bares de neños/es fashions a consumir grandes cantidaes d'alcohol.

Culosmoyaos.jpg

Culos moyaos de güey en día...así va la ciudá.

Política llocal Edit

Xixón ye gobernada con mano de fierru por ET, más conocida como Chuky, lo que la ha dota d'una amplia ufierta cultural, carauterizada por llugares de corte intimista y minimalista como la Pecerona, la Plantona, el Molinón, la Ilesiona y otres cosines pequeñuques. Per otru llau l'alcaldesa perpetra una política radicalmente ecoloxista, consistente n'enanchar 9 metros les aceres fasta que yá nun queden aparcamientos, y en construyir carriles bici pelos que por supuestu la peña va pasiando yá que tol mundu tien coche.

Otra inxeniosa idea de l'alcaldesa ye convertir el ríu Piles nuna especie de llagu pa piragüistes, pero entá nun se sabe cómo va resolver el problema de la pestilencia de les sos agües fecales.

Mirando haza'l futuru Edit

Prósimamente la ciudá tendrá una llinia de metro cutre o metrotren, que permitirá viaxar del to pedazu de pisu nos rascacielos del puertu esportivu fasta'l to lluxosu xalé en Viesques, porque por toos ye sabíu qu'en Xixón el nivel de vida, espeyáu na esistencia de munches viviendes de lluxu, ye comparable al d'Eivissa o Roquetes de Mar. Esiste una alternativa más económica que ye xubite en bici fasta Somió, con viviendes más modestes rexentaes por roxeres ermitaños como'l comunicosociobohemiólogu Juan Cuento o los inteleutuales de Gran Hermanu, coles sos modestes piscines y micru campu de golf. Otru cambeu revolucionariu na ciudá ye la creación del Xardín Potánicu, onde autobuses enllenos de colexales descarguen el so conteníu estomacal enantes d'entrar por mor de güeyar l'edificiu d'arquiteutura falanxista denomáu Universidá Llaboral

Pa culturetes Edit

Castañón.JPG

Xixonés de los d'enantes. De los de verdá.

Xixón cunta con certámenes culturales braniegos, talos como la Selmana Prieta o la Feria Internacional d'Amueses d'Asturies, na que se da cita toa Asturies, y na que los visitantes participen en delles actividaes como catar bollos preñaos, catar xelaos Haaaaagen Daaaaazs, catar bocates de calamares o de chorizu criollu, char unos culinos de sidra o ponese ciegos depués na famosa zona de Formientu. Los pequeños del llar tamién podrán esfrutar na cercana zona del barriu L'Arena, onde s'ufre una ufierta cultural más acondada pa pequeños bolsiellos, y que consiste n'amburar contenedores, conducir ciegu de copes o n'organizar campeonatos de boseu caixeru con participantes de la seleición de los continentes sudamericanu o norteafricanu.

Demografía Edit

Anguaño la ciudá de Xixón ye la más poblada de toa Asturies, y la so tasa de ñatalidá nun apara de medrar (de 0 a 0,001), colo que se dispon de nuevu (os) xixones (es) adaptáu (os) a los nueos tiempos, dau que'l so pelleyu preséntase en tres tonalidaes según l'actividá a la que tean destinaos: prietu p'afrontar l'agresividá de los rayos ultravioleta na playa de San Llorienzu, mariellu pa que nun se note la capa de mugre qu'apaez depués de que te cague enriba una gavilueta, y café con lleche p'aforrase tardes de solarium nel afamáu centru cultural Frisnes Frins. Esti baby-boom ye consecuencia de la tradicional solidaridá xixonesa, y tiende a compensar el crecimiento ceru de populachos como Avilés.

La superpoblación traxo como consecuencia la escasez de vivienda. Pero eso nun foi problema: Les escaleres de la casa el pueblu tienen capacidá pa 500 persones dormiendo, incluyendo cartón de vinazu y manta cuadros. Y gratis.

Xixoneses ilustres Edit

Ente les personalidaes cimeres xixoneses podemos citar a:

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki