Fandom

Nunyepedia

HUNOSA

59pages on
this wiki
Add New Page
Talk0 Share

Cominesesq.png¡¡¡CAGUNDIOS!!!Cominessdre.png

Trabayaor de la HUNOSA sobre la empresa


Cominesesq.pngSi ho, el mi cuñau Fredo, clavó la regaera en pie y marchó pa casa con 42 años, quedo-y una paga de la de mi macho. Eso si, ta una migaya coyu, tien que dir con muletes a tolos llaos. Pero vaya envidia que me da, con esa pagona y ehí tol día folgáu, mi madre!Cominessdre.png

Antón de Marirreguera sobre HUNOSA


Cominesesq.pngAaaaaarfsssssss blaarfffffCominessdre.png

Vitorino sobre HUNOSA


Cominesesq.png¡¡Cagunmimáquina!! ¡¡Y a mi que me dixeron de dir pal pozu y eche pa DIASA!!Cominessdre.png

probe desgraciáu sobre HUNOSA


Hulleras del Norte Sociedad Anónima (n'Asturianu, Fulleres del Norte Sociedá Anónima) ye una sociedá benéfica impulsada pol gobiernu del Principedo pa permitir folgar a los habitantes de les Cuenques n'agradecimientu pola invención del bollu preñáu. Angüaño ye la mayor empresa de les Asturies dempués d'Aceralia-Arcelor-Mittal-Putaqueparioalindiu (ex ENSIDRESA), ALSA,Thyssen, Rioglass, Alimerka, La Noreñense, Enferbus , Central Lechera Asturiana, FEVE, Cajastur, Grues Roxu, y un llargu etc hasta Ferretería Falo, Les Arriondes. Llueu ya vien HUNOSA dafecho. Xúrolo.

Bombechos.jpg

Bombachos, modelu antiguu

Bombechos2.jpg

Bombachos, modelu nueu, con dellos ameyoramientos pa dar mas visibilidá al currante y si cabe, mas ganes d'algamar la prexubilación

Hestoria Edit

Toballes.jpg

Impresionante variedá cromática de les toballes d'Hunosa. Valen pa la ducha, pa dir a la playa a Xixón, de rodillu cocina...

Hunosa fúndase na dómina de 1967, metanes el gobiernu de Pachu Franco, como una escusa p'enllenar les cuenques de conomatos y nun tener que tar mandando a los grises ca cuatro díis pa convencer a la xente de que nun ye que l'azucre tea caro, son los masones que camuden los precios. Pa ello, el xeneralísimu fai lo que mas -y prestaba d'esti mundiu: Concentrar coses (El gobiernu, l'agua nos pantanos, los roḥos nel Valle de los Caídos) y amesta, cual falante nativu fai col idioma, Hulleras de Turón, de la que yera xefe un puntu mui malu que nun m'alcuerdo como coño se nomaba, Fábrica Mieres (La Fabricona, ensin dulda fundada por un puntu de Xixón, víase otres obres como la Escalerona, la Plantona o la Mareona) y Nueva Montaña Quijano, que el dueñu vendió les mines y abrió una cafetería en Lleón. Fecha esta gran reforma, a los mineros dánse-yos grandes ventaxes que se estienden per toa Asturies, conviertiéndose casi en señes d'identidá del país, como les toballes, los bombachos o les caḷḷusques con punterona fierro.

Periodu Post Pachu Edit

Cagunmimantu.jpg

Villa, amenazando seriamente a la patronal, nuna perbona imitación del "Tío la vara"

N'esta etapa, tres de la muerte de Pachu por envelenamientu tres mordese a sí mesmu, ñaz l'anteriormente citáu concordatu col gobiernu asturianu, gracies al SOMA (que según la Wikipedia ye una droga que bebíen na India va tiempu, lo que esplicaría muuuunches coses). Tres d'años de negociaciones, nes que los mineronos son gasayaos con pelotines de goma perprestoses pa les botar poles fuercies del orden, el compañeru "cagunmimantu" Villa algama un alcuerdu pa surtir Asturies del segundu material que produz HUNOSA dempués del carbón: Los prexubilaos. Tamién traxo nueves ventaxes, como el xabón, les bolses pa los bombachos y el champú d'HUNOSA.

Como entrar na HUNOSA Edit

De mou que vusté, oyendo les ventaxes qu'algamará tres trabayar dellos años n'HUNOSA quier entrar: Por desgracia nun ye mui facil. Como nos canteros pué entrase teniendo un pá hunoseru. Pero non cualquier hunoseru: O ye un pez mui, mui gordu, o una víctima d'accidente llaboral. De mou que si el so pá ya ta cerca la prexubilación y paez que nun lu acaba pillar un derrabe, sígalu al pozu, y nel intre que quite el cascu p'arrascase el cabezu, tire-y un costeru. Tire-ylu fuerte nun vaiga ser que nun lu mate y pancima de nun entrar na HUNOSA tea que tar alimentándolu a sopines el restu la vida. Con eses coses nun se xuega. La tercera manera ye entrar subcontratáu: Consiga tolo malo de ramplar na mina ensin les ventaxes de tar na HUNOSA. Una fiesta, oiga.

División de la empresa Edit

Poles sos carauterístiques, HUNOSA mantien una estensa plantiella trabayaores dividíos en delles menes:

Nivel BaxuEdit

Picaores Edit

Picaor.jpg

¡¡¡Estos non, manguán!!!

Esta xente ye la base de la empresa. N'activu dedíquense a baxar a la mina, sacar carbón, cagáse en Dios y soltar tou tipu d'improperios y metése en chigre n'acabantes la xornada llaboral. De prexubiláos dedíquense a cagáse en Dios y soltar tou tipu d'improperios y metése en chigre n'acabantes d'almorzar. De xubilaos dedíquense a xugar al tute, a cagáse en Dios y soltar tou tipu d'improperios y a salir del chigre de xemes en cuando pa dir a palotiar la güerta.

Chóferes Edit

Vitorino.Jpg

Vitorino, lleendo esti artículu a ver si -y vien la inspiración de como facese con HUNOSA y ponelos a vivir

Manera fina de dicir camioneros. Baxen de los pozos al llavaeru llevando carbón, o repartiéndolu peles cases. De ñatural vengatible, nun ye el primer casu que daquién toca-y los coyones a ún y a la mañana siguiénte atópase con tola carga carbón del volquete desparramá delantre la puerta casa. En delles ocasiones digievolucionen y van per ehi col Land Rover, que nin ellos saben que mi madre faen.

Oficinistes Edit

La élite de la empresa, tol día folgaos y mandando Powerpoints a los correos. Un estudiu del INE diz que nel 90% de los correos de parides que se unvíen n'Asturies, hai mínimo una direicion de corréu del tipu "fulano@hunosa.es". Tamién valen pa coses como calcular el libramientu, calcular cuanto te queda pa la prexubilación, y facete fotocopies del DNI a costa la empresa.

Otros currantes Edit

Mantenimientu, la química, la térmica... Trabayen fuera de la mina y tamién gusten de cagase en dios. Como toos, la verdá.

Nivel Mediu Edit

Champhunosa.gif

Llimpia la grasa, seca el pelo, dexa la cacía como una patena... cuando te prexubiles nun vas saber que facer con tantos botes

Vixilantes Edit

Non, los segurates nun entren equi. Esta xente dedícase sobre too a tocar los coyones a los d'abaxo, meter prisa y eses coses que faen los xefes que tienen otru xefe. Cuando se prexubilen,acaben dexando a la muyer por moces de venti años que los llamen papito. El 85% tienen bigote.

Sindicaleros Edit

Estos naide sabe que faen, pero ca vegada q'un chigreru siente la pallabra "SOMA" o "Comisiones", automáticamente entamen a preparar corderos a la estaca a esgaya. Por dalgo sedrá.

Graduaos Edit

Los qu'en realidá mueven los hilos na empresa. ¿Por qué? Porque son ellos los qu'arreglen les prexubilaciones.

Nivel Altu Edit

Inxenieros Edit

Peloteaos por vixilantes (y sindicaleros anque lo nieguen), envidiaos por picaores... Xente qu'estudia 5 años de carrera y nunca mancha los bombachos. Hasta tienen plaza propia d'aparcamientu y too. Cuando dexen de trabayar van al casino de Xixón en vez d'al chigre.

Secades Edit

Encargáu de llambe-y el culo a Tini llevar la empresa y eses coses.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on Fandom

Random Wiki