FANDOM


Bassurt

Cominesesq¡FIDMA!, ¡FIDMA!, ¡FIDMA!Cominessdre

Montañas sobre ¡FIDMA!


CominesesqLo más internacional equí ye'l puestu de carne de gochu del Cuco, nun pola so actividá empresarial, sinon porque'l golor aporta hasta XapónCominessdre

Henry Felgueroso sobre les sentencies sobro'l FIDMA


La Feria Internacional (?) de Muestres d'Asturies (FIDMA pa dalgunos), ye un eventu que tien llugar a entamos d'agostu en Xixón, consistente n'atraer al mayor númberu d'asistentes a un llugar nel que una grea de comerciantes ya inventores tipu Doutor Bacterio, agrúpense alrodiu de stands con novedaes como bocadiellos de xibión, bollos preñaos, cerveza y otros elementos culturales.

Fidma1

Imaxe del FIDMA. Grea de xente a la gueta de carambelos del stand de Telecable

La celebración real fáise na nuechi xixoniega, bebiendo grandes cantidáes de sidre, finando asina con una enfilada y cola resaca garrada tres de milenta hores de bébores espirituoses, que tamién llevarás la nuechi siguiente, pues la feria dura tol mes d'agostu. L'aportar al recintu ye percenciello:

¿Ves la primera surdida de l'autopista A-66 que ves sigún aportes dende Uviéu, ¡¡pos esa non, la segunda!!

HestoriaEdit

La hestoria del FIDMA remóntase a la dómina prehestórica, na que antiguos homes amosaben los güesos de los animales cazaos pa la so posterior venta. Too ello acompangábase de pergrandes cantidaes de fabada y otres cantidáes inda más grandes de sidra. Tres d'unes hores toos finaben a hosties. Sobro les cuatro la mañana toos taríen yá enfilaos como cubes y deitaos en suelu como si foren xente muerto.

Nel neolíticu dexárense d'apresentar güesos pa entamar a amosar productos agrícoles y ganaderos. Equí ye ú ñacen les amueses dafechu: dexábense prebes de los productos, la problema yera que toos garraben y naide nun pagara, polo que tol mundu siguia s'enfilando col sidre (llíquidu elementu pa les xentes d'Asturies) y con fabada (sólidu elementu pa les xentes d'Asturies. Colo cual, a les cuatro la mañana, toos taben, de nuéu, deitaos en suelu.

Aportara la dómina romana, y foi nesi tiempu nel que se promocionaren tou tipu de produtos, ya foren manufacturaos o alimentos. Too siguía s'acompangando como nel pasáu. A les cuatro la mañana yá diben toos borrachos y la Legio de turnu aparaba a toos los asturianos pa soplar, tres d'ello los astures emprimaben a se pegar d'hosties colos de la Legio, fiando durmiendo toos en suelu (del calabozu).

Con ello aportare la feliz dómina medieval, cola aparición de los xuglares pa agasayar la nuesa querida Feria de Muestres. Equí entámase a considerar Feria Internacional de Muestres d'Asturies, yá que tol Reinu d'España yera Asturies (ye perconocíu el dichu España ye Asturies y lo demás too gandaya, ya que na realidá, les llendes del Reinu d'Asturies aportaren hasta l'estrechu de Xibraltar). Nesta dómina los asturianos bebíen sidre, xintaben fabes pero nun se peleaben ente ellos, sino que diben direutamente a pola banda de moros que primero atoparen. Tres d'ello, de nuéu, diríen a casa a pasar la resaca.

Col aportar de la dómina moderna, emprimareno a facer patrocinios. La entós entidá financiera Sacu Billetes d'Asturies entamara a se publicitar n'ella, regalando calcetos d'aforru a perbon preciu. Nun hebo munchos cambeos dende aquella dómina hasta los nuesos díes, nos que la xente dedícase a arramplar cuantos más bolígrafos, pines, chapes y felpeyáes que regalen esos patrocinadores.

Fidma2

Detái de dellos participantes nes actividaes de la Feria de Muestres, inmersos nún partíu d' Sticker Hunting

Datos a tener en cunta pa la sobrevivenciaEdit

  • Si ves qu'hai un poquín de borrina, la xente que nun conoza la feria dirá provista de paragües. Erru, la feria provee d'elegantes, curiosos y poco duraderos paragües de Caxastur, que fadrán xuegu con tolos visitantes.
  • Si ves que fai un sol d'esos que hasta muerren los páxaros, la xente que nun conoza la feria llevará gorra. Erru, la feria provee tamién de gorres de Caxastur, inda nos díes de lluvia.

Actividaes de la Feria de Muestres d'anguañuEdit

Na Feria Internacional de Muestres d'Asturies, endurante'l día grande, día de Caxastur o día'l patrón de los xubilaos, reúnense toos los xubilaos del planeta pa prauticar deportes como:

  • Cola-Fighting: Percorrer el mayor númberu d'stands nel menor tiempu posible, recoleutándose los puntos en función del númberu d'emburriones ya insultos que se glayaren p'algamar adelantar puestos nes infinintes coles.
  • Sticker/Cup Hunting: La caza pegadielles/gorres, consistente en recoleutar, de nuéu, el mayor númberu de pegadielles d'stands posibles, y dexuru, ensin mercar dalu productu o pagar dalu tipu de preciu por elles. Los puntos son asignaos en función de la estética de les pegates, por exemplu: ye meyor una pegadiella de Ventanas d'Aluminu El Petisu que una pegadiella de cualaquier marca internacional (?) reconocida.
  • Freeing: Ye una especie de triathlon qu'amesta les actividaes anteriores ya consiste en atopar el mayor númberu de productos de baldre dientro'l recintu.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki