Ḥespaña
De Nunyepedia
«Tendré qu'expropialo too...¡yera míu!Paco ye un cabrón...»
~ Don Pelayo sobre Hespaña
«Filhos do Satán»
~ Panconchorizugalleguista sobre España
| |||||
| Lema: Nin Pertual, nin Grecia, nós somes el culu'l mundiu
| |||||
| Himnu: Himnu Riegu
| |||||
| |||||
| Capital | Madrid
| ||||
| Mayor ciuda | Xetafe
| ||||
| Llingues oficiales | Hespañol, Català, Valencià, Cullerà, Euskera, Galego y Galaico-Asturianu-OccidentoSureño
| ||||
| Emperador | Xose Lluis Rodríguez Shoemaker
| ||||
| Área | Lo que los independentistes dexemos
| ||||
| Población | 44.434.432 h.(Fai falta recordar qu'en cá provincia hai un cangués)
| ||||
| Moneda | Euro
| ||||
| Zona horaria | La más barata
| ||||
| Dominiu n'Internet | .es
| ||||
| Códigu telefónicu | Aznar retiró los teléfonos porque atalantaba que yeren culpables del 11-M
| ||||
| Spanÿa, oj marelika skoro! | |||||
Hespaña (Reinu d'Hespaña y dalgunes otres rexones babayes) ye un conglomeráu de países, rexones, estaos independientes, repúbliques balcániques y bazares chinos. Llenda con Francia, Andorra, Portugal y la república maxinaria del Bierzu.
España compónse de 17 comunidaes autónomes, dos ciudaes autónomes, y unes cuantes pertenencies d'ultramar, como Cuba, Guinea Ecuatorial (Sí, queda nel mar), y Cangas del Narcea.
Tabla de conteníos |
[editar] Hestoria
España foi fundada haza l'añu 1012, por un portugués llamáu Fernando do Borbonão, que quinxo facer de so les tierres de cultivu del este del Alenteixu. Nún entamu, ésti quinxo emplegales como residencia privada, pero los sirvientes (Castiellanos llamábenlos) reveláronse y establenciéronse como país. Estos castiellanos foron espardiéndose, fasta aportar al reinu d'Asturies, daquella rexentáu por Vicente Álvarez Areces, l'inamobible, onde foron acoyíos en rexime de pensión completa, ansí creyose la raza llionesa, qu'estendiose por toa España, tornándose a la escontra d'Asturies, lo que provoco-y problemes al reinu, que finó formando parte del Reinu de Llión.
En 1492, España ye nomada Castiella, y embárcase al alánticu, p'alcontrar les amériques, lo que-y trairía dineru y riqueces asgaya. Demientres munchos años, España foi la mayor potencia mundial, pero los ingleses, fatos como siempres, esfarrapáronlu tou. Equí entamó la desdicha pa los españoles, culminando cola derrota en Trafalgar, al llau xustu de Barbate, megalópolis de la dómina, que foi afeutada tantu pol asocedíu, qu'amenorgóse fasta quedase no que ye güei.
Na dómina contemporánea, España vuélvese de los illustracionistes, y xurden grandes como Gaspar Melchor de Xovellanos y otros que a nadie-yos interesa. Haza 1800 y picu, Napoléon Tocagüevos entra pelos Pirineos y entama a conquistar el nuesu tarritoriu, y los primeros en declara-yos la guerra, foron, comu non, los flipaos asturianos, siendo tal actu en 1812. Esti asocedíu non acontenció pa na más, pos los franceses fadríense col poder de la mano de Pepe Botella, qu'estableció n'aquellos tiempos la llei seca, pos quería tol alcohol pa él mesmu.
Como nun hai dos ensin trés, a fines del XIX encomiencen les guerres carlistes, la primera república y la coronación d'Areces como rei del inframundu, esta cabera en dafechu secretu, pos namái enteróse Lidia Lozano, y toos sabemos qu'a esa lloca naide-y fai casu dalu.
En 1921, asocede'l güelpe d'Estau de Primo de Rivera, y España conviértese en Dictadura Monárquica del Ginger Ale, pos Alfonso XIII tamién gobernaba. En 1931 estáblecese la II República Española, de la mano, de xuru, d'un asturianu, que tamién, de xuru, yera de Cangues del Narcea. La república pasa años duros y ye disuelta por Paco, pequeñu ya indivisible, en 1936. Esti castrón nun muerre fasta 1975, añu nel que de xuru, un asturianu, que seguramente, dalguna vez tuviera en Cangues del Narcea, dio-y un sustu de muerte.
Poco depués, nel 1978, establézse la XVIIIÑÑZ constitución española, donde nómase a España como Monarquía Parllamentaria del Magnetu & Cía. Dende entós España, nun va bien...que tampoco quiero dicir que con Paco tuviéremos meyor...bonu, ye que...perdonáime Carrillo, díxelo ensin pensar...
[editar] Demografía
España ta compuesta por un 87% de españoles de raza blanca (de los cualos dalgún Cangués habrá) y el restu compónenlu herexes (3% sobremanera en Benidorm) y moros, cuturianos y chinos, sobretou chinos, per toes partes.
[editar] Xeografía
Escarpá....montañosa...plana...¿a naide-y importa non?
[editar] Política
¿Qué ye eso? N'España desconozse dafechu.
[editar] Cultura
El tomate, El diario de Patricia y les tertulies de TeleMadrid (imparciales elles) tán consideraes los principales eventos culturales de calter diariu d'España. A ellos acuden y nellos participen les más destacaes y sabies voces del panorama cultural español, como por exemplu la Pantoja, el Conde Lequio o Letizia Sabater.
Tamién, ta la Real Academia Española, que tien por oxetivu regular la llingua y redautar un diccionariu xeneral del insultu, que revísase cada añu, con oxetu de servir de base a tan destacaos eventos culturales.
| Países d'Europa y dalgún, de xuru, d'África | ||
| Albania | Alemaña | Andorra | Principáu d'Asturies | Asturies del norte | Austria | Azerbaiyán | Bosnia | Bulgaria | | Casirusia | República Checa | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Herzegovina | Holanda | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | 12 a 1 | Moldavia | Mónaco | Montenegru | Noruega | Polonia | Portugal | Reinu Xuníu d'Herexes | Rumanía | Rusia | San Marino | Serbia | Suecia | Suiza | Turquía | Ucrania | Vaticano | Xorxa | ||
| Posesiones: Islles Feroe | Cuenca | Perexil | Xibraltar | Guernsey | Jan Mayen | Jersey | Irlanda del Norte | Islla de Man | Svalbard | ||
Categoríes: Países d'Europa | Países | Europa | España
