FANDOM


L'Enferbus, tamién nomáu La Empresa o La Fernández, y en delles ocasiones, l'Infierbus, ye una empresa de tresporte de ganáu, que tamién tresporta persones dacuando. Fai la Ruta Mieres-Uvieu pasando pel infiernu, y dempués da media vuelta y fai el mesmu camín pero al revés, cosa que tien lóxica abondo, porque culo atrás mas de 15 m nun se pue dir. Tamien xube a Turón y a La Pola, pero eso nun -y impuerta a naide porque tou Dios báxase en Mieres.

Competencia col ALSA Edit

Enferbus1

Magar que nun lo paeza los conductores son humanos

Ye bien sabío la competencia que mantién con alsa, ya que l'Enferbús tien el monopoliu de tola cuenca'l Caudal. Esto amuésase na combinación de collores, tando pintáos los alsa a xuegu colos del Real Uvieu y los del Enferbús colos del Sporting, y tamién nes engarradielles que formen pa salir primero de la estación d'autobuses d'Uvieu.

El MAL viaxa sobre ruedesEdit

Enferbus

Nun lu confundas col autobús de donar sangre

Magar que dende fuera paecen autobuses normales, per dientro pue unu atopase el mayor ecosistema de toa Asturies , ríase vusté de Munieḷḷos: Formigues, mosques, escarabayos, mofos varios (que nos autobuses mas vieyos aforren-yos el tintáu de cristales) y bacteries y xérmenes patóxenos a esgaya. En 2007 6 nueves especies de bacteries foron canciaes nun autobus d'estos, el casu mas famósu: E. Enferbusensis, que produz unes malures tan acoyonantes que prefiero nun les poner equí. La OMS desaconseya siquiera mirar pa la xunta goma de les ventanielles. Nel apartáu técnicu, nun ye raro ver el ceniceru de los asientos apegáu con chicle, pisar so una alfombra de basoria (Cáscares de pipes y envueltes de carambelos), o atopar cinta aislante perdayuri apercontiando nun se sabe mui bien que. El suelu de goma del pisu ye tan resistente que plantea usalu la Llexón Española pa reforzar los tanques.

Horarios y preciosEdit

Enferbus2

Autobuseros de La Empresa nel día del Arguyu Gai, caleya abaxo ensin tapuxos ¡Gallos!

A diferencia de los autobuses que pon Gabinín per Uvieu, con estos si que te val la tarxeta de la CTA. Poro, naide nel so sanu xuiciu viaxaría n'esta empresa teniendo la Renfe al llau... De nun ser porque funciona peor y tarda mas. El primer autobús ye conocíu por tar na parada a la hora marcada como un clavu. Pasa que llueu pilla atascu a l'altura Olloniegu y ya llega 5 minutos tarde a Uvieu. Y cuando torna a Mieres ya llega 10 minutos pasando de la hora. y asina cuando quies esperar pol caberu ya nun pues porque pasa 3 minutos dempués que el primeru de la mañana del día siguiente

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.

Also on FANDOM

Random Wiki